It Stikje, Mark Rutte

Sjips en sûkelade

Foar my by de kassa yn ‘e winkel stean trije skoaljonges. Se komme krekt út skoalle en keapje foardat se nei hûs ta geane elk noch in reep sûkelade, in pûde sjips en in blikje enerzjydrank.

Se rinne nei bûten ta wêr ’t krekt in âldere man op ‘e fyts stappe sil. De jonges skuorre fuortendaliks de pûde sjips iepen en nimme in grut stik sûkelade yn ‘e mûle. De man sjocht harren ris nijsgjirrich oan. “Mei ik jimme wat freegje, jonges?” De jonges knikke en kauwje gau wat sjips en sûkelade fuort en wachtsje benijd ôf wat kommen giet. De âlde man sjocht harren efkes strak oan en seit dan: “Fine jimme dy Mark Rutte ek sa’n slijmjurk?”

Remco Hofman (62), Bakkefean